बेटी के सिक्छा अऊ संस्कार
मानुस जनम धरे के करजा उतार लव
बेटी ल सुघ्घर सिक्छा अउ संस्कार दव।
बेटी ल सुघ्घर सिक्छा अउ संस्कार दव।
बेटी ह बने पढही,भविस्य ल सुघ्घर गढही,
पुरखा रीत-नेत पाही,धरम अउ नेंग निभाही।
सिरजनकर्ता ल सिरजन के हथियार दव,
बेटी ल सुघ्घर सिक्छा अउ संस्कार दव।
पुरखा रीत-नेत पाही,धरम अउ नेंग निभाही।
सिरजनकर्ता ल सिरजन के हथियार दव,
बेटी ल सुघ्घर सिक्छा अउ संस्कार दव।
बेटी घर के मान,मर्यादा-सम्मान
दाई के हरे करेजा,ददा के नाक-कान
समता-ममता के गोदी म मया दुलार दव,
बेटी ल सुघ्घर सिक्छा अउ संस्कार दव।
दाई के हरे करेजा,ददा के नाक-कान
समता-ममता के गोदी म मया दुलार दव,
बेटी ल सुघ्घर सिक्छा अउ संस्कार दव।
बेटी मईके के डोंहडी,पिया के घर के फूल
दुनो बगिया म महके,अईसन सींच मत भूल
सीख अउ सदगुन के सोला सिंगार दव,
बेटी ल सुघ्घर सिक्छा अउ संस्कार दव।
दुनो बगिया म महके,अईसन सींच मत भूल
सीख अउ सदगुन के सोला सिंगार दव,
बेटी ल सुघ्घर सिक्छा अउ संस्कार दव।
बेटी सुख के सागर,सेवा करे उमर भर
गृहस्थी के एकठन मुडका,घर थामे रहिथे
गृहस्थी के एकठन मुडका,घर थामे रहिथे
सुघ्घर सिक्छा के छानही संस्कृति के मिंयार दव,
बेटी ल सुघ्घर सिक्छा अउ संस्कार दव।
बेटी ल सुघ्घर सिक्छा अउ संस्कार दव।
मानुस जनम धरे के करजा उतार लव
बैटी ल सुघ्घर सिक्छा अउ संस्कार दव।
बैटी ल सुघ्घर सिक्छा अउ संस्कार दव।
रचना:-ललित वर्मा "अंतर्जश्न" छुरा
No comments:
Post a Comment